هيواد راډيو تلوېزيون هيواد راډيو تلوېزيون
د کندهار د ولایتي شورا غړیو دا غوښتنه نن په داسي حال کي وکړه چي په سپین بولدک ولسوالۍ کي د ښورابک د سړک جوړوني د پروژې د ۴۳ انجنیرانو او کارګرو د برمته کېدو درې اوونۍ پوره کېږي.
قومي مشرانو او سپین ږیرو په تېرو درېيو اوونیو کي هڅه وکړه چي وسله وال طالبان د برمته کړیو کسانو خلاصون ته وهڅوي خو تر اوسه پوري د هغوی هلو ځلو نتیجه نه ده ورکړې.
د ولایتي شورا غړي وايي، چي طالبانو دا کسان د بلوچستان ایالت ګلستان سیمي ته بېولي دي، نو باید د افغانستان حکومت له پاکستاني چارواکو سره خبري وکړې.