هيواد راډيو تلوېزيون هيواد راډيو تلوېزيون
د هلمند د پرلت له لسګونو هغو غړو چي د نه خوړلو اعتصاب يې کړی، تر دې دمه ۵ غړي د خراب روغتیایي حالت له امله، د لښکرګاه مرکزي روغتون ته انتقال سوي دي.
دهلمند مرکز لښکرګاه کي د پرلت دغړو د نه خوړلو اعتصاب ۴۸ ساعتونو ته نژدې کېږي.
د لښکرګاه د پرلت یوه اوونۍ پوره کېږي، ګڼ شمېر ځوانان د تېري اوونۍ د جمعې د ماښام د ځانمرګي برید وروسته د برید سیمي ته څېرمه خېمه ووهله او له طالبانو يې د سولي غوښتنه وکړه.
په هغه موټر بم ځانمرګي برید کي چي تراوسه يې چا پړه په غاړه نه ده اخستي، ۱۶ ملکي کسان ووژل سول او ۵۲ نور ټپیان سول.