هيواد راډيو تلوېزيون هيواد راډيو تلوېزيون
د کندهار په سپین بولدک ولسوالۍ کي له قاچاقبرو څخه یوه اندازه هیروین او شیشه او دغه راز ۳۵۶ کیلو ګرامه تاریاک نیول سوي دي
دغه نشه یې توکي د کندهار سرحدي پولیسو په یاده ولسوالۍ کي په داسي حال کي نیولي چي پاکستان ته لېږدول کېدل.
د کندهار د امنیې قوماندانۍ د نشه يي توکو پر ضد د مبارزې مدیر سمونوال ولي شاه اڅګزی وايي، د تاریاکو په تړاو یې تر اوسه څوک نه دي نیولي خو د شیشې او هیروینو په تړاو یې یو تن نیولی دی.
د کندهار د نشه يي توکو پر ضد د مبارزې پولیسو تردې مخکي هم په کندهار کي د لویو لارو پر سر او دغه راز په سپین بولدک کي د لويو او کوچنيو موټرانو څخه ورته نشېتوکي نيولي او دغه راز په هوايې ډګر کي هم اکثره وخت هغه قاچاق وړونکي نیول کیږي چي بهر ته نشه يي توکي لېږدوي.