هيواد راډيو تلوېزيون هيواد راډيو تلوېزيون
يوه سوداګر چې نه يې غوښتل نوم يې خپور سي وايې، چې نن سهار يې دوه کانټينرونه مال چې په يوه بار وړونکي موټر کې بار دي، د نيمروز د خاشرود ولسوالۍ په غورغوري سيمه کې د طالبانو له خوا درول سوى دى.
ده زياته کړه، کابو ١٥٠ نور موټر هم په دې سيمه کې د لارې پر سر په دې موخه درول سوي چې طالبانو ترې د ګمرک په توګه د محصول ورکولو غوښتنه کړې ده.
دى وايي، دا موټر تراوسه پورې ولاړ دي او موټرچلوونکي د طالبانو پرېکړې ته منتظر دي، چې څومره اندازه محصول ترې واخلي.
د خاشرود ولسوالۍ يوه سيمه ييز مسٔول ویلي چې له څلورو ورځو راپدېخوا طالبانو د زرنج – دلارام په لويه لاره په دهمزنګ سيمه کي د دلارام ولسوالۍ د مرکز په ٣٠ کيلومترۍ کي يو زنځير اچولى او هغه باروړونکي موټر چي له دې لارې تګ راتګ کوي، د خپل نوي جوړ سوي ګمرک له لارې ورڅخه پيسې اخلي.