هيواد راډيو تلوېزيون هيواد راډيو تلوېزيون
رپوټ: مهتمم صالح
د کندهار ښار اوسېدونکي د سرتيرو د ورځي په مناسبت وویل، امنيتي ځواکونه دي د خلګو سره ښه چلند کوي، څو د خلګو باور تر لاسه کړي او هغوی ملاتړ وکړي.
دوی وايي، دا چي سرتيري د خلګو د سره او مال ساتنه کوي، نو د خلګو له پاره هم په کار ده، چي د دوی ملاتړ او حمايت وکړي.
دوی وايي، سرتيري قرباني ورکوي، نو دولت او خلګ بايد د دوی قربانۍ او سرښندني ته د عزت په سترګه وګوري او د هغوی د کورنیو سره مرستي وکړي.
دغه راز کندهار والي حيات الله حيات وايي، دوی د سرتيرو د ملاتړ اړوند بېلابېل پروګرامونه لري، څو هغوی لا خپلو دندو ته تشويق سي.
دی وايي، د ديني عالمانو تر څنګ د کندهار ولايت ټول اوسېدونکي د سرتيرو څخه خپل ملاتړ اعلان کړی او د هغوی په ملاتړ ئې بېلابېل پروګرامونه نيولي دي.
دا چي په هيواد کي د تاوتريخوالي د کمېدو اوونۍ هم ده، خلګ وايي دولت دي د سرتيرو په ډول وروزي څو هغوی د دې جوګه سي، چي د هيواد ساتنه وکړي.