هيواد راډيو تلوېزيون هيواد راډيو تلوېزيون
يوه باوري سرچينه وايي چي د ملګرو ملتونو په ٧٤يمه کلنۍ غونډه کي د ګډون لپاره د افغان پلاوي پر سر اختلافات رامنځته سوي دي.
دې سرچينې ویلي، ولسمشر غواړي د افغان پلاوي مشري د ملي امنيت سورا سلاکار ډاکتر حمدالله محب وکړي، خو اجرائيه رييس ډاکتر عبدالله عبدالله بيا ټینګار کوي چي د افغان پلاوي مشري بايد د بهرنیو چارو وزیر صلاح الدین رباني وکړي.
د ولسمشرۍ ماڼۍ په یوه مکتوب چي د بهرنیو چارو وزارت ته استول سوی دئ لیکلي، چي د ملګرو ملتونو ۷۴مه کلنۍ غونډه ټاکل سوې چي د ۲۰۱۹ کال د سيپټېمبر په میاشت کي وسي، په دې غونډه کي د ګډون له پاره د افغانستان د پلاوي مشري به د ملي امنیت شورا سلاکار ډاکټر حمدالله محب کوي.
خو د بهرنیو چارو وزارت ویاند دغه خبر ردوي او وایي چي تر اوسه د افغان پلاوي د مشرۍ په اړه پرېکړه نه ده سوې.
خو د ملي امنيت شورا وياند وايي، ولسمشر اشرف غني د قانون له مخي صلاحيت لري، چي چي څوک چيري ولیږي، ځکه د هغه د هدایت پر اساس د ملي امنيت شورا سلاکار په دې ناسته کي ګډون کوي.