هيواد راډيو تلوېزيون هيواد راډيو تلوېزيون
رپوټ: جواد داوري
اوس د هوا درجه له ۴۴ څخه تر ۴۷ درجو پوري رسیږي، له یوي خوا هوا ګرمه ده له بلي خوا چاپېریال ککړ دئ.
د هلمند چاپېریال ساتني ادارې رئیس انجنیر حضرت علي ابدالي وايي، د اړونده ارګانونو سره ګډ کار کوي تر څو حد اقل یوه لاسته راوړنه لري، خو د خلګو د علمي سویې د ټیټوالي له امله نه دي بریالي سوي، چي د منظم چاپېریال په رامنځته کولو کي کار وکړي.
دی وايي د ککړ چاپېریال له امله نه یوازي داچي ناروغۍ رامنځته کیږي، ورسره په څنګ کي مُضر کیمیاوي توکي د انسانانو روح و روان ته زیان رسوي.
د لښکرګاه اوسېدونکي که څه هم د پاک چاپېریال غوښتنه کوي، پر یو شمېر دولتي ارګانونو نیوکه کوي، چي د اړتیا پر اساس يي خلګو ته عامه پوهاوی نه دئ رسولی او همدارنګه په لږ کچه خلګ پوه سوي چي د خپل کور او شاوخوا پاکوالي ته پاملرنه وکړي.
دوی وايي تر هغو چي علمي سطحه لوړیږي ښاروالي او نور ارګانونه دي په ګډه د چاپېریال ساتني مسئولیت پر غاړه واخلي.
دا په داسي حال کي ده چي د چټلیو او مُضر کیمیاوي توکو کارول په خلګو کي بېلابیلي ناروغۍ را پیدا کړي دي ورسره په څنګ ډېرو کسانو ته تنفسي ناروغۍ هم پیدا سوي دي.