هيواد راډيو تلوېزيون هيواد راډيو تلوېزيون
د هلمند د مرکز لښکرګاه ښار صرافانو د وسله والو غلاوو د ډېرېدو په غبرګون کي د اعتراض په توګه خپل دوکانونه وتړل.
ددوی په وینا په دې وروستيو کي په مرکز لښکرګاه کي وسله والي غلاوي ډيري سوي، چي د صرافانو ترڅنګ عام خلک يې هم له ستونزو سره مخ کړي دي.
خو بل لورته د هلمند د والي وياند عمر ځواک وایي، چي د صرافانو د امنيت د ټينګښت له پاره والي له پوځي مسئولينو سره بېړنۍ ناسته کړې ده.
د ځواک په وينا، هڅي رواني دي چي ډېر ژر په لښګرګاه ښار او نورو سيمو کي د وسله والو غلاوو مخه ونيول سي.
دا په داسي حال کي ده چي د هلمند ترڅنګ په کابل او نورو سيمو کي هم وسله والي غلاوې ډېري سوي، چي خلک يې ډېر پرېشانه کړي دي.