هيواد راډيو تلوېزيون هيواد راډيو تلوېزيون
راپور: غلام فاروق رسولي
هرات ولایت د هیواد په لودیځ کي د زعفرانو لوی تولیدونکی ولایت دی چي په دې برخه کي د افغانستان د زعفرانو پلازمینه هم بلل کیږی.
خو په دا ورستیو کي د بهره څخه د بې کیفیته زعفرانو واریدیدل د دې لامل سوي چي په دې ولایت کي زعفران کرونکي ډیر تاوانونه وکړي.
د دې ولایت د زعفرانو کروندګر او کاروباریان وایي د ایران هیواد څخه د بې کیفیته زعفرانو راتلل د دوی بازار خراب کړی او دوی اړ دي خپل توکي د تیرکال په پرتله په نیمایي بیه و پلوري.
دا کسان د حکومته غواړي چي د دې ستونزي لمنځه وړلو لپاره دي کوټلي ګامونه پورته کړي او په خبره یې که دا کار ونه سي نو لیري به نوی چي د زعفرانو بیه و ۲۰ زره افغانیو ته را ټیټه سي.
په همدی حال کي د هرات ولایت د کرهني ریاست چارواکي هم ستونزه مني او وایي ایران هیواد د دې لپاره چي نسي کولای د نړیوالو بنډیزونو له کبله بهر ته زعفران صادر کړي نو د افغانستان له لاري دا کار تر سره کوي چي په خبره یې د هیواد زعفرانو ته یې غټ تاوان رسولي.
ښاغلي رحماني په نړیواله کچه د زعفرانو د بیي را ولیدل هم د افغانستان زعفرانو د قیمت پر ټیټیدو د مهمو لاملونو ګڼي.
د بلي خوا د هرات ولایت ځایي چارواکي بیا وایي ټولو مسٔوله ارګانونو ته یې هدایت ورکړی تر څو د ایران هیواد څخه د قاچاقیدونکو زعفرانو مخه ونیسي.
د زعفرانو کروندګر او کاروباریان په داسي حال کي د زعفرانو د قیمت ټیټیدو څخه شکایت کوي چي سږکال په هرات ولایت کي اضافه تر شپژ زره هکتاره ځمکه د زعفرانو تر کښت لاندي ده چي تمه ده تر ۱۵ ټنه ډیر زعفران ورڅخه لاسته راسي.