هيواد راډيو تلوېزيون هيواد راډيو تلوېزيون
د ولسي جرګې غړو په عمومي ناسته کي وویل، د افغانستان اوسني وضعیت ته په پام د ۷ زرو امریکایي سرتېرو وتل د اندېښنې وړ مسئله ده.
د یادې جرګي ریٔس عبدالروف ابراهیمي وویل، د افغانستان وضعیت په داسي حال کي نه دی چي د امریکایي ځواکونو وتل به پرې اغېز ونه ښندي، ځکه لا هم د افغانستان په ډېریو سیمو کي وسله وال فعال حضور لري او د امریکایي ځواکونو له وتلو وروسته ممکن وضعیت لا خراب سي.
په ورته وخت کي د یادې جرګې نورو غړو بیا وویل، تر هغو چي په هیواد کي د سولي تړون نه وي لاسلیک سوی، امریکا ته باید د وتلو اجازه ورنه کړل سي.
دا اندېښنې وروسته له هغه مطرح کیږي چي پرون ټرمپ اعلان وکړ چي په راتلونکي پسرلي کي به خپل ۷ زره سرتیري له افغانستانه وباسي، چي د نوموړي دې پریکړي د نړۍ په کچه پراخ غبرګونونه راپارولي دي.