هيواد راډيو تلوېزيون هيواد راډيو تلوېزيون
راپور: نثار احمد څپاند
دغه غونډه چي د دې ولایت د ولایتی شورا په ودانۍ کي جوړه سوې وه د خلکو استازو، قومی مشرانو، دیني عالمانو او عامو خلګو برخه اخیستې وه.
دا غونډه د کندهار د امنیه قومندان جنرال رازق د وژل کیدو په څلويښتمه ورځ جوړه سوې چي په پیل کې یې د نوموړي روح ته دعاګاني وسوې.
وروسته.د زابل یو شمیر اوسیدونکو ویناوي وکړې او پکښي یې جنرال رازق د هیواد یو اتل سرتیري یاد کړ چي تل یې د هیواد د دښمنانو پر ضد مبارزه کوله او په دی لړ کی یی خپل ژوند هم له لاسه ورکړ.
دوی ژمنه وکړه چي د جنرال رازق لاره به تعقیبوي او هیڅکله به نوموړي هیر نه کړي.
د زابل اوسیدونکي په داسي حال کي د جنرال رازق په یاد غونډه جوړوي چي د نوموړی د وژل کیدو وروسته یی هم دلته فاتحه اخیستل سوې وه .
د زابل تر څنګ د هیواد په یو شمیر نورو سیمو کي هم د کندهار د مخکني امنیه قومندان جنرال عبدالرازق د وژني د څلویښتمي ورځي په مناسبت د قرانکریم ختمونه او دعاګاني سوي وې چي دا د افغانانو په زړونو کي د نوموړي د ځای لرلو ښودنه کوي.