هيواد راډيو تلوېزيون هيواد راډيو تلوېزيون
راپور: سردار محمد زیارمل
تیره ورځ په خوست ولایت کي د لومړۍ پلي ښایسته لوا په جامع جومات کي د لمانځه پر مهال ځانمرګی برید وسو ، خوست والي او د یادې لوا ویاند تورن عبدالله تائید کړه او ویې ویل، چي په یاد برید کي د ملي اردو ۱۲ تنه سرتیري وژل سوي او ۳۳ تنه ټپیان دي. خوست والي وویل، چي دغه پېښه د جمعې لمانځه پر مهال د یادي لوا په جومات کې رامنځته سوې، چي عاجل ټپیان یې د درملني په موخه کابل ته د چورلکو په واسطه لیږدول سوي دي.
د لوا یو تن سرتیری چي د پیښي عیني شاهد او په یاده پېښه کي سطحي ټپي سوی و، نوموړي وویل: (( چي موږ پر لمانځه ولاړ وو چي درب سو.))
بلخوا بیا د عامي روغتیا سرپرست رئیس ګل احمد شاه وایي، چي مونږ ته تر څلویښتو شاوخوا کي ټپیان او درې جسدونه راوړل سوي دي.
بل لوری بیا په ځینو رسنیو کي د تلفاتو شمېر تر ۲۷ وژل سوي او تر ۷۹ پورې ټپیان ښودل سوی، خو د لوا ویاند تورن عبدالله دغه خبرونه بې بنسټه بولي، ده د هېواد راډيو تلویزون سره په تلیفوني خبرو کي وویل، چي ۱۲ تنه وژل سوي او ۳۳ تنه سطحي ټپیان دي.
د لوا ویاند د پیښي د څرنګوالي په اړه څه ونه ویل خو زیاته یې کړه چي د پېښې په اړه د دوی څېړني رواني دي.