هيواد راډيو تلوېزيون هيواد راډيو تلوېزيون
یو محدود شمیر وکیلانو نن د ولسي جرګې په امتیازي ساعت کي د خبرو پر مهال وویل، چي زلمی خلیلزاد پخپل سره لګیا دی او د افغان سولي لپاره خپل سری کار کوي.
د وکیلانو په خبره دوی افغان حکومت ته صلاحیت نه ورکوي.
خو ډېر شمېر وکیلانو بیا د زلمي خلیلزاد له هڅو ملاتړ وکړ او هغه یې د افغانستان په ګټه وبللې.
د ولسي جرګې غړي عبیدالله بارکزي وویل، یوازې لږ سلنه هغه کسان چي د پردیو جاسوسان دي او د پردیو لپاره کار کوي د سولي له هر ډول هڅو سره مخالفت کوي.
دده په خبره سوله د افغانانو حق دی، د افغانانو هیله ده او ټول افغانان غواړي چي په سوله کي ژوند وکړي.
بارکزي ټینګار وکړ، چي یوازې پردي جاسوسان او د نورو هیوادونو د ګټو لپاره کارکوونکي کسان د سولي له هڅو سره مخالفت کوي.
د ولسي جرګې ګڼو غړو همدا راز پر وسله والو طالبانو هم ږغ وکړ، چي له جګړو لاس واخلي او په افغانستان کي د سولي، ثبات، پرمختګ او دایمي سوکالۍ لپاره کار واخلي.