هيواد راډيو تلوېزيون هيواد راډيو تلوېزيون
ملګري ملتونه وايي، په تیرو څلور میاشتو کي یوازي د افغانستان په دوو وچکالي ځپلو ولایتونو هرات او بادغیس کې ۱۶۱ ماشومان چي له یوې میاشتي تر ۱۶ کلنۍ پوري عمرونه یې لرل پلورل سوي دي.
د ماشومانو لپاره د ملګرو ملتونو د وجهي صندوق یا یونېسف ویاندي الیسن پارکر پرون سې شنبه جنیوا کي خبریالانو ته وویل، په افغانستان کي ماشومان له خطرناک وضعیت سره مخ دي.
مېرمن پارکر وايي، د جولای څخه تر اکټوبر پوري سروې کي ښودل سوې دا ماشومان، د دې لپاره چې پلرونه او کورنۍ یې له پورونو ځان خلاص کړي؛ د چا په نوم سوې، واده سوي او یا پلورل سوي.
د ملګرو ملتونو د کډوالو ادارې هم ویلي چي افغانستان په لسیزو کي تر ټولو له سختي وچکالۍ سره مخ دی او له جګړې سره یو ځای یې پهدې هیواد کې ګڼ شمېر کورنۍ له ناوړه وضعیت سره مخ کړي چې یوازې په روان میلادي کال کي تر ۳۰۰ زرو زیات بې کوره سوي دي.