هيواد راډيو تلوېزيون هيواد راډيو تلوېزيون
د امریکا ولسمشر ټرمپ په یو ټویټ کي د افغان امریکایي پوهنتون د استادانو د خوشي کېدو په اړه د ولسمشر غني څخه مننه کړې ده او په خپل ټیم یې ویاړکړی دئ.
د امریکا ولسمشر ډونالډ ټرمپ په یو ټویټ کي د طالبانو د بند نه د افغان امریکایي پوهنتون د استادانو د خوشي کېدو په لړ کي د ولسمشر اشرف غني څخه مننه کړې ده او ویلي ئې دي چي دا د افغانستان د سولي پر لور پرمختگ دئ.
(د ولسمشر غني د زړه ور کومک څخه مننه کوم چي او پدی هیله چي دا به د سولې لپاره د اوربند په لور یو ښه پرمختگ وي چي دا اوږد جنگ ختم کړي. په خپل ټیم ویاړ کوم).
د ټرمپ څخه دمخه د بهرنیو چارو وزیر مایک پمپیو هم د طالبانو له درو مشرانو سره د امریکايي پوهنتون د دوو استادانو او ۱۰ افغان سرتېرو له تبادلې وروسته هیله ښودلې وه چي دا اقدام سولي ته لا ښه لاره برابره کړي.
د سیاسي چارو ځیني مبصرین تمه لري چي دغه وروستۍ تبادله به د حکومت او طالبانو ترمنځ مخامخ خبرو ته زمینه برابره کړي.