هيواد راډيو تلوېزيون هيواد راډيو تلوېزيون
راپور: میلاد حمیدي
د ننګرهار په کامې ولسوالۍ کي د یوه جاپاني شرکت لخوا د ۱۲ سوه زره امریکايي ډالرو په لګښت د اوبو سربند جوړ سوی چي د یادي ولسوالۍ ۳۵ زره هکتاره ځمکه به خوړبه کړي، بزګران هیله مند دي چي سږ کال به د دوي زراعت لا پرمختګ وکړي ،بلخوا ته بیا سمیز اداره په دغه ولسوالۍ کي د ښه امنیت ډاډ ورکوي.
بزګران د خپل فصلونو د ودي لپاره را ټول سوي او هغه ویالې پاکوي چي په روان کال کي یې د اوبو څرک ندی لیدلی.
په کامې ولسوالۍ کي د یو جاپاني شرکت لخوا د ۱۲ سوه زره امریکایي ډالرو په لګښت د اوبو سر بند جوړ سو چي د دي بزګرانو هیلې له ځانه سره راوړي.
دلته سمیزه اداره بیا د یادي ولسوالۍ د ښه امنیت ډاډ ورکوي، د کامې ولسوال عطاالرحمن هډوال وایي، چې دلته دوي امنیت د ولسي ټړون له مخې ساتي، دی همداراز د بزګرانو د سته ستونزو د حل ډاډ ورکوي.