هيواد راډيو تلوېزيون هيواد راډيو تلوېزيون
د ۲۰۹ قول اردو چارواکي وايي چي دغه وسله وال تیره ورځ د خواجه سبزپوش ولسوالۍ په قره شیخي سیمه کي د قاطع ملاتړ بهرنیو ځواکونو په هوايي حمله کي وژل سوي دي.
دغه چارواکي وايي، چي په دغه حمله کي دوه نور وسله وال ټپیان سوي هم دي.
په شمال کي د ۲۰۹ شاهین قول اردو ویاند حنیف وویل چي تر دا مهاله د وژل سوو بهرنیو وسله والو تابعیت روښانه سوی نه دی چي د کوم هیواد دي.
نوموړي زیاته کړه چي د فاریاب ولایت د قیصار ولسوالۍ په شاخ او خواجه کینتي سیمو کي د ملي اردو هوايي ځواکونو په یوه بله حمله کي بیا د ملاظاهر په نوم د وسله والو مخالفینو د قوماندان په ګډون پنځه نور وسله وال وژل سوي او دوه تنه یې ټپیان سوي دي.
تر دا مهاله وسله والو طالبانو په دې اړه تبصره نه ده کړې.