هيواد راډيو تلوېزيون هيواد راډيو تلوېزيون
دغه پېښه د زابل په شهرصفا ولسوالۍ کي رامنځ ته سوې ده.
په وژل سویو کسانو کي د ولسوالۍ د امنیه قومندانی اداري مدیر، جنايي مدیر او د ټولۍ قومندان هم شامل دي.
د زابل د امنیت امر سمونوال غلام جیلاني فراهي وايي، چي د شهرصفا ولسوالۍ په امنیه قومندانۍ کي یوه طالب بندي د ماښام د لمانځه څخه په ګټه اخیستنه له یوه پوليس څخه وسله اخیستې او پر پوليسو يې ډزي کړي.
خو د شهرصفا ولسوالۍ د پوليسو یوه لوړ پوړي چارواکي ویلي چي برید ګر بندي طالب لاهم ژوندی دی او د ۱۴ ساعتونو په تیریدو سره د ولسوالۍ د امنیه قومندانۍ په ودانی کي جګړه کوي.
دا د خپل ډول لمړنۍ پیښه بلل کیږي چي په زابل کي رامنځ ته کیږي.
د زابل پوليس مقامات وايي چي بندي طالب په کندهار کي نیول سوی او څلور ورځي وړاندي له کندهار څخه یادي ولسوالۍ ته د پلټنو لپاره لیږل سوی وو.