هيواد راډيو تلوېزيون هيواد راډيو تلوېزيون
راپور: سردار محمد زیارمل
د یاد ولایت د ټاکنو خپلواک کمیسیون چارواکي وايي، چي مامورینو یې د مرکز اړوند د نوم لکیني په مرکز کي یو تن چي غوښتل یې تر ۵۰ زیاتو پېژندپاڼو سټیکر کړي ، لاس په لاس نیولی دی.
بل لوری نیول سوی تن وايي، چي د کلي سپینږیرو او مشرانو ورته وویل، چي دوی د ثبت له پروسې سره نا اشنا دي او په یاده برخه کي یې د همکارۍ غوښتنه ترې کړي.
ده هم همداسې وکړل اړوند پېژندپاڼي یې تر یوه مرکزه ورسولي، خو د مامورینو له لوري ورته ګواښ وسو، چي دغه کړنه یې نا قانوني ده .
دی وايي، تر اوسه زه په دې نه یم خبر چي یاد عمل د ټاکنو د قانون په رڼا کي یو جرم دی، ده زیاته کړه چي دټاکنو کمیسیون په یاده برخه کي هيڅ ډول عامه پوهاوی نه دی رامنځ ته کړی.
د یاد ولایت د ټاکنو دخپلواک کمیسیون په وینا، دوی تر دې مهاله د ورته کړنو په نتیجه کي د نوم لیکنو له بېلابېلو مرکزونو څخه له ۲۰۰۰ زیاتي پېژندپاڼي تر لاسه کړي دي.
دیادونې وړ ده چي دافغانستان په نورو ولایتونو کي هم ورته کړني ترسره سوی دي.