هيواد راډيو تلوېزيون هيواد راډيو تلوېزيون
د ملکي وګړو د خوندیتوب او عدالت غوښتنې ډله ” سي اې پي جي ” چي هره میاشت په افغانستان کي د ملکي وګړو د خوندیتوب په اړه راپورونه خپروي په خپل تازه راپور کي ویلي، چي تیره میاشت تر ټولو ډېره مرګ ژوبله په ځانمرګو او هوایی بمباریو کي اوښتې ده.
د راپور له مخې په تېره جولای میاشت کي تر ټولو زیات تلفات په ننګرهار، کابل، پکتیا او کندز ولایتونو کې اوښتې دي.
د یادې ډلي د شمېرو له مخي، په تېره میاشت کي د ملکي وژل سو کسانو په شمېر کي د جون د میاشتي پرتله د پام وړ زیاتوالی را غلی، خو د ټپیانو په شمېر کي بیا د جون د میاشتې پرتله په جولای کي کموالی لیدل کیږي.
د ثبت سوو شمېرنو له مخي په تېره میاشت کې ۲۳۲ ملکي افغانان وژل سوي او۳۱۳ نور ټپیان سوي دي.
د دې ډلې مشر عزیز احمد تسل وویل، چي ملکي وګړو ته ډېر تلفات په ځانمرګو او هوایي بریدونو کي اوښتي دي.