هيواد راډيو تلوېزيون هيواد راډيو تلوېزيون
ولسمشر غني تېره شپه ناوخته وویل ”څو شېبې مخکي مي د اعلی سرقومندانۍ په بيړنۍ غونډه کي د غزني له والي، د تندر قول اردو له قومندان، د غزني له امنيه قومندان او د ملي امنیت له رئیس سره تفصيلي خبري وکړې او د دغه ولايت او د غزني ښار د نظامي او بشري وضعیت په هکله مې د دوی صادقانه او تفصيلي معلومات واورېدل. “
هغه زیاته کړه ”د دښمن د يرغل پر وړاندي مي د امنيتي او دفاعي ځواکونو سرښندنې وستايلې او د دغه معلوماتو په رڼا کي مي غزني ولايت ته د لازياتو حمایوي ځواکونو د لېږلو پرېکړه وکړه چي ډېر ژر به دغه ولايت ته ورسېږي. “
دا په داسي حال کي ده چې د ملي پوځ لوی درستیز جنرال شریف یفتلي پرون له خبریالانو سره د مرکي پر مهال وویل، چي تر راتلونکو دوو ورځو پوري به د دغه ولایت امنیتي وضعیت بدلون وکړي او اول نمبر لویه لاره به هم د ترافیکو او مسافرو پرمخ پرانستل سي.
نوموړي په غزني ولایت کي د ترهګرو د ځپلو په موخه د هیواد د امنیتي او دفاعي ځواکونو د عملیاتو د ورو والي لامل په یاد ولایت کي د ملکي وګړو د مرګ ژوبلي او د عامه شتمنیو د تخریب مخنیوی وباله.