هيواد راډيو تلوېزيون هيواد راډيو تلوېزيون
د ارګ خبرپاڼه وايي چي ولسمشر غني پرون شنبه د کندز له والي سره د کندز ښار د بیارغوني او پراختیا د ماسټر پلان د عملي کيدو او د کندز د حلقوي سړک د جوړېدو په اړه خبري کړي دي.
ښاغلي غني همدا راز د اریانا افغان هوايي شرکت ته دستور ورکړی چي کندز او نورو ولایتونو ته پروازونه پېل کړي.
د ارګ د خبرپاڼي په حواله، ولسمشر غني د صنعت او تجارت وزیر او په مالي او بانکي چاروکي خپل سلاکار ته سپارښتنه کړې چي د کندز د سپین زر شرکت د بیارغوني او فعالولو پلان جوړ کړي او ورته ویې سپاري.
له ولسمشر سره په کتنه کي د کندز والي د شیرخان بندر د تصدیو د فعالېدو، په کندز ښار کي ماشومانو او ښځو ته د یوه روغتون دجوړېدو، د امام صاحب ولسوالۍ د سړک جوړېدو او د الچین د پله د بیا رغیدو غوښتنه کړې ده.