هيواد راډيو تلوېزيون هيواد راډيو تلوېزيون
ښاغلي غني خوست ته په رسيدو سره لومړی په اسماعيل خېلو او مندوزيو ولسوالۍ کي ملکي هوايي ډګر ته ولاړ او هلته يې د دغه هوايي ډګر لپاره د رنوې کرښه پرانېسته او همدا ډول يې ددغه هوايي ډګر د رادار لپاره د ودانۍ او د داخلي سړکونو د کار د پيل پرانستنه هم وکړه.
ولسمشر محمد اشرف غني د کابينې له يو شمېر وزيرانو سره يو ځای د بيارغوني د يو شمېر پروژو د پرانستني او د خلکو له استازو سره د ليدني په موخه نن د خوست ولايت ته تللی دی.
له دې وروسته په هليکوپتر کي په دغه ولسوالۍ کي د برېښنا سب سټېشن ته لاړ او هلته يې د برېښنا د وېش چارو پروژه رسماً پرانیستله، چې په ترڅ کي به يې ۱۳ زره کورنۍ له دايمې برېښنا برخمنې سي.
د خوست د ولايت مقام وياند طالب منګل د يادو پرژو د پرانستنې پرمهال خبريالانو ته وويل، چي پر تکميل سويو پروژو ۱۰۰۷ ميليونه افغانۍ لګښت سوی او د تازه پيل سويو پروژو لپاره ۱۰۱۸ ميليونه افغانۍ بېلي سوې دي.
ټاکل سوې چي ولسمشر محمداشرف غني به نن د ورځي تر پایه له قومي مشرانو، د ولايتي شورا غړو، مدني فعالانو او ځوانانو سره پر ځانګړو ناستو سربېره نن ماسپېښين په خوست ښار کې يوې ولسي غونډې ته وينا هم وکړي.