هيواد راډيو تلوېزيون هيواد راډيو تلوېزيون
د برېښنا شرکت د معلوماتو له مخې وسله والو طالبانو تېره شپه د کرکر له سب سټېشن د راغلې برېښنا یوه پایه په بمونو الوځولې ده او د کابل برېښنا یې پرې کړې ده.
د شرکت په خبره تخنیکي ټيمونه هڅه کوي دغه برېښنا بېرته ونښلوي.
د سرچینې په خبره کاري ټیمونه هلته رسېدلي دي او تر راتلونکو څو ساعتونو پورې به عملا د برېښنا د نښلولو کار پيل کړي.
برېښنا شرکت وایي، دمګړی په کابل کي ۹۰ میګاواټه حرارتي او آبي برېښنا موجوده ده.
وسله والو طالبانو تر دې وړاني هم په کندوز کې د برېښنا یوه پایه الوځولي وه او له هغه وروسته یې د خبرپاڼې په خپرولو سره پر حکومت د برېښنا نه پرې کولو په بدل کي ځیني شرطونه هم اېښي وو.