هيواد راډيو تلوېزيون هيواد راډيو تلوېزيون
د امریکا د بهرنیو چارو وزیر مایک پامپیو وايي، امریکا په افغانستان کي له تروریزم سره د مبارزې او په دې هیواد کي له سولي او ثبات سره د مرستي له پاره پر ژمني ولاړه ده.
پامپیو په یوه بیان کي وویل، د افغانستان په ننګرهار کي د یوه جومات پر لمونځ کوونکو حمله د هغو کسانو بې رحمي ښيي چي د انسان ژوند ورته اهمیت نه لري او د بې ګناه انسانانو پر ضد تاوتریخوالي ته دوام ورکوي.
ده ویلي، د امریکا متحد ایالتونه د ملکي وګړو قصدي وژني په کلکه غندي او د قربانیانو له کورنیو سره خواخوږي څرګندوي.
پامپیو زیاته کړې، امریکا له افغانانو سره، چي د سولي او له هر ډول تاوتریخوالي د پاکي راتلونکي غوښتونکي دي، ولاړه ده.
د اسلامي همکارۍ سازمان په ګډون د نړۍ ګڼ شمېر مؤسسو او هیوادونو د ننګرهار د هسکي مېني خونړې پېښه غندلې ده.