هيواد راډيو تلوېزيون هيواد راډيو تلوېزيون
د کندهار د عامې روغتيا ریاست د کتلوي معافیت رئیس ډاکتر عبدالشکور نصرت وویل، فلج سوی ماشوم هلک دی چي نور احمد نومېږي د عبدالله زوی او پنځه کاله عمر لري.
د ښاغلي نصرت په خبره، د پولیو دغه پېښه په هغه سیمه کي رامنځته سوې، چېري چي د تېرو شپږو میاشتو راهیسي وسله والو طالبانو د واکسین پر تطبیق بندیز لګولی و.
ښاغلي نصرت وویل چي د راتلونکې دوشنبې په ورځ به په غورک او د کندهار ولایت په نورو ټولو سیمو کي د پولیو درې ورځنی کمپاین پیل سي.
چارواکي وايي، دا په کندهار کې د ۲۰۱۹ کال د پولیو دوهمه پېښه ده چي رامنځته کېږي.
په تېر ۲۰۱۸ میلادي کال کي په کندهار کي د پولیو ۹ مثبتې پېښې ثبت سوي وې.