هيواد راډيو تلوېزيون هيواد راډيو تلوېزيون
راپور: محمد یار مجروح
ارواښاد رفیع الله غورځنګ دوې ورځي مخکي د ورپيښي ناروغۍ له امله د کابل په یوه روغتون کي ساه ورکړه.
د خدای بخښلي غورځنګ مطبوعاتي ملګري د هغه مړینه یوه ستره ځایع بولي او ورته د جنت فردوس غوښتنه کوي.
د هیواد تلویزون د پخواني ورزشي خبریال او پروډیوسر رفیع الله غورځنګ جنازه تیره ورځ او فاتحه يې په کندهار کي ترسره سول.
د رفیع الله غورځنګ د کورنۍ غړي وايي، چي ځوانیمرګ غورځنګ درې ورځي وړاندي له دریو ورځو ناروغي وروسته د کابل په یوه روغتون کي ساه ورکړه.
ارواښاد رفیع الله غورځنګ شاوخوا ۷ کاله په هیواد تلویزیون او هیواد راډيو کي د ورزشي خبرونو خبریال، پروډیوسر او ۲ کاله مخکي د هیواد تلویزیون د نشراتو د مسول په توګه دنده درلوده.
د هیواد راډیو تلویزون رئیس صدیق الله خلیق هغه یو نوښتګر ځوان یادوي اوزیاتوي، چي نوموړي د فطري استعداد پر مټ وتواند په کمه موده کي دخپلي دندي پر مهال ډیر څه وکړل.
رفیع لله غورځنګ دوه کاله مخکي کابل ته د لوړو زده کړو لپاره ولاړی ، چي د تحصیل تر څنګ یې د ژوندون خصوصي تلویزیون سره هم د پروډیوسر او ویډیو ایډیټر په توګه کار کاوه.
د هغه مطبوعاتي ملګري ارواښاد غورځنګ د خبریالانو په منځ کي یو نوښتنګر ځوان یادوي، دوی د هغه مړینه یوه لویه ضایع بولي او هغه ته د جنت فردوس غوښتنه کوي.
خدای بخښلي رفیع الله غورځنګ په دې وروستیو کي د ولسي تړون په نوم پروګرام کي د فوټوګرافر په توګه دنده درلودل او په تحصیلي برخه کي د حقوقو پوهنځی د دوهم کال برحاله محصیل وو چي، دوې ورځي وړاندي يې د ورپيښي ناروغۍ له امله د کابل په یوه روغتون کي ساه ورکړه.