هيواد راډيو تلوېزيون هيواد راډيو تلوېزيون
د بښني نړیوال سازمان یا (امنیسټي انټرنېشنل) له پاکستانه وغوښتل چي د دې هيواد د اقلیت پښتنو د حقونو د مدافعانو ځپل بند کړي.
د بښني د نړیوال سازمان امنیسټي انټرنېشنل د جنوبي اسیا د څانګي مرستیال عمرواړایچ له اسلام اباده وغوښتل، چي د پښتون ژغورني غورځنګ یا PTM په وړاندي ځپونکي اقدامات باید بند کړي.
هغه ویلي چي د دې غورځنګ ټول توقیف سوي غړي او نور سوله ییز فعالان باید سمدستي خوشي سي.
امنیسټي انټرنېشنل دغه غوښتنه داسي مهال کوي چي داسي ښکاري چي روانه اوونۍ د پښتون ژغورني غورځنګ پرضد ځپونکی کمپاین د دې غورځنګ د څو نورو غړو په نیول کېدو سره لا سخت سوی دئ.
د روان کال له پیل راهیسي د دې غورځنګ په لسګونو فعالان نیول سوي دي.
په شا و خوا شلو نیول سوو کي د پاکستان د ملي اسامبلۍ غړي محسن داوړ او علي وزیر هم شامل دي، چي دواړه له تروريزمه نیولې تر بلواوو او نارامیو ته په لمن وهلو تورن سوي دي.