هيواد راډيو تلوېزيون هيواد راډيو تلوېزيون
د افغانستان د بشري حقونو نړیوال سازمان، تیر کال د ملکي وګړو مرګ ژوبلي لپاره بې ساری بولي او په وینايي، چي ګډو ځواکونو او وسله والو ډلو د جګړې پرمهال د ملګي وګړو د ژوند خوندیتوب ته پام نه دی کړی.
د دې سازمان رییس لعل ګل لعل وایي، د جګړې ښکیلو لورو په ډيری مواردو کي بشري سرغړوني کړي او اړتیاده چي حکومت او دبشري حقونو نړیوال بنسټونه دغه پېښي وڅيړي.
په ۱۳۹۷یم کال کي د جګړو پرمهال په غزني، ننګرهار، لوګر، پکتیا، هلمند، پکتیکا، میدان وردګو او ګڼو نورو ولایتونو کي د ځانمرګو بریدونو، هوايي بمباریو او چاڼیزو عملیاتو په لړ کي زرګونه ملکي وګړو ته مرګ ژوبله اوښتې.
دا په داسي حال کي ده چي له دې وړاندي یوناما هم د یوه راپور له لړ کي ۱۳۹۷ کال د ملکي تلفاتو لپاره خونړۍ بللی وو او په جګړو کي له ښکیلو اړخونو یې غوښتنه کړې وه چي ملکي مرګ ژوبلې ته جدي پام وکړي.