هيواد راډيو تلوېزيون هيواد راډيو تلوېزيون
په هغې خبرپاڼه کي د بریتانیا د حکومت په وېبپاڼه کي خپره سوې د بریتانیا د نړیوالو پراختیایي چارو وزیرې پیني مورداونټ د دوشنبې په ورځ اعلان وکړ چي بریتانیا له هغو په سلګونو زره افغانانو سره د خوراکي موادو، خېمو او پاکو اوبو د برابرولو لپاره ۲۵ میلیونه پونډه نوې مرسته کوي چي په وروستیو کي پهدې هېواد کي تر ټولو سختې وچکالۍ ځپلي دي.
مېرمن مورداونټ له افغانستان سره د خپل هیواد د نویو مرستو اعلان په داسي حال کي کوي چي نن او سبا به جنیوا د افغانستان په اړه د یوه نړیوال کنفرانس کوربه وي.
مېرمن مورداونټ د دې کنفرانس په درشل کي له نورو مرسته کوونکو هېوادونو هم وغوښتل چي د بشري ناورین د مخنیوي لپاره دې د بریتانیا ترڅنګ له افغانستان سره د مرستو ژمني وکړي.
د بریتانیا حکومت وایي، ۳۵ میلیونه پونډه یې سږکال یوازې په افغانستان کي د وچکالۍ له امله زیانمن سوېو سره د مرستي لپاره ځانګړي کړي چي په دې سره به له افغانستان سره سږکال د بریتانیا د مرستو اندازه ۶۷ میلیونه پونډو ته ورسېږي.