هيواد راډيو تلوېزيون هيواد راډيو تلوېزيون
د اسلامي هيوادونو د همکاريو سازمان (اسلامي کنفرانس) په افغانستان کي د تاوتريخوالي پر زياتېدو اندېښنه ښودلې ده.
د سعودي عربستان په جده ښار کي د دغه کنفرانس له مقر څخه په يوه خپره سوې خبرپاڼه کي د دې سازمان سکرټر جنرال ويلي، چي د افغانستان په وروستيو ځانمرګو بريدونو او نورو امنيتي پېښو کي ملکي وګړو ته ډېره مرګ ژوبله اوښتې ده.
نوموړي د تاوتريخوالي پر زياتېدو د ژوري اندېښنې څرګندولو ترڅنګ غوښتنه کړې، چي ژر تر ژره دي دا تاوتريخوالى کم کړل سي.
د اسلامي کنفرانس سکرټر جنرال له ټولو افغان اړخونو غوښتي، چي خپلي ټولي هڅي د سولي له پاره په کار واچوي.
د هغه په وينا، د سولي دا هڅي بايد د افغانانو په مشرۍ او مالکيت ترسره سي، چي د تېري روژې مياشتي د اسلامي کنفرانس سرمشريزي غونډي کي يې هم ملاتړ سوى دئ.