هيواد راډيو تلوېزيون هيواد راډيو تلوېزيون
سوداګر وایي له دوو میاشتو راپه دېخوا د هیواد په تجارتي بندرونو کي په غیرقانوني ډول محصول لوړ سوی چي امله یې سوداګرو سخت مالي زیانونه لیدلي او په بازار کي د خوراکي توکو په ګډون د ټولو توکو په نرخونو کي لوړوالی راغلی.
افغان سوداګر خبرداری ورکوي، چي که حکومت په ګمرکونو او تجارتي بندرونو کي د غیرقانوني مالیې مخه ونه نیسي، نو د اعتراض په ډول به هیواد ته واردات بند کړي.
افغان سوداګر وایي، د ګمرکي تعرفې او محصول په نوم په څو ولایتونو کي ترې پیسي اخستل کیږي.
سوداګر وایي، چي حکومت په ګمرکونو کي محصول ددې لپاره لوړ کړی، چي د عوایدو ټاکل سوی هدف پوره کړي، خو تیره اونۍ د مالیې وزارت مسولانو ویلي وو چي پر وارداتو محصول نه دی لوړ سوی، بلکي په تجارتي بندرونو او ګمرکاتو کي یو لړ تازه اصلاحات رامنځ ته سوي دي.