هيواد راډيو تلوېزيون هيواد راډيو تلوېزيون
د کابل امنیي قوماندانۍ مرستیال حق نواز حقیار رسنیو ته پېښه تائید کړه، خو په دې اړه يې نور جزئیات ور نه کړل.
د يو شمېر راپورونو له مخي ویل کیږي چي پنځو بریدګرو د سهار څلور بجو راهیسي په دغه
سیمه کې شل بمي بریدونه کړي او اوس هم په جګړه بوخت دي.
د افغانستان د دفاع وزارت ویاند دولت وزیري وايي، چي انتحاري حمله کوونکي د ۱۱۱مي فرقې کنډک ته نژدې ودانۍ ته ننوتي او اوس وسله وال حمله کوونکي د دي ودانۍ په تهکاو کي محاصره دي.
د وزیري په وینا دا حمله لومړی د یوه انتحاري په واسطه سوې او بیا درې نور حمله کوونکي ودانۍ ته ننوتي دي.
وزیري یوازي د درو سرتېرو ټپي کېدل تأییدوي.
عیني شاهدانو رسنیو ته ویلي چي دا حمله د شپي ۳ بجې پیل سوې او جګړه یې لا تر اوسه دوام لري.
د دې پوهنتون یوه استاد د نوم نه ښودو په شرط رسنیو ته وویل چي تر اوسه د ۵ سرتېرو د وژلو راپورونه ورته رسیدلي.