هيواد راډيو تلوېزيون هيواد راډيو تلوېزيون
رپوټ: نورګل اندړوال
د بلخ په حوزوي روغتون کي په لومړي ځل د سرطان ناروغۍ د درملني او کرونا وایروس د کنترول دوه مرکزونه په یو لک
ډالرو جوړېږي.
دعامي روغتیا وزیر فېروزالدین فېروز چي د دې مرکزونو پرانیستني ته راغلی وو، وايي،
چي تر اوسه په هیواد کي د کرونا وایروس کومه پېښه نه ده ثبت سوې او هر ډول روغتیايي
چمتوالي سته، څو د دې وایروس د خپریدو مخه په افغانستان کي ونیول سي.
فېروز وايي چي په ټول هیواد کي د هوايي میدانونو سربېره ۳۰۰ بسترونه فعاله دي څو
د کرونا وایروس کنترول کړی.
دهیواد دعامي روغتیا وزیر وايي، چي هر کال په هیواد
کي شل زره کسان د سرطان په ناروغۍ اخته کیږي،
چي له ډلي ئې ۱۱۰۰۰ تنه خپل ژوند له لاسه ورکوي.
وزیر وايي اوس د سرطان ناروغۍ درملنه په بلخ، کابل او هرات کي کیږي.
په ورته مهال د بلخ په حوزوي روغتون کي ډاکټران د کرونا وایروس د کنټرول په برخه کي
د خپلو چمتووالو خبر ورکوي.
کرونا وایروس اوس په نړۍ کي د خطرناکو
ناروغیو له ډلي څخه ده، چي میاشت وړاندي په چین کي د لومړي ځل له پاره کشف سو او
ورځ تر بلي د نړۍ نورو هیوادونو ته د خپرېدو په حال کي دئ.
