هيواد راډيو تلوېزيون هيواد راډيو تلوېزيون
د امریکا د متحده ایالاتو جمهور رئیس ډونالد ټرمپ له طالبانو سره د
سولي مذاکرات لغوه کړل.
ټرمپ څو ساعته دمخه پر خپل ټویټر ولیکل، چي دغه مذاکرات په کابل کي د طالبانو د وروستي برید په دلیل لغوه سول.
د ټرمپ په وینا ټاکل سوې وه نن د یکشنبې په ورځ د کمپ ډېویډ په تفریح ځای کي د طالبانو د لوړپوړو مشرانو او د افغانستان ولسمشر محمد
اشرف غني سره جلا جلا په پټه توګه لیدنه وکړي.
ټرمپ زیاته کړه:”متاسفانه د طالبانو ډلي د کاذب فشار راوړلو په خاطر په کابل
کي د یو برید مسئولیت ومانه، چي په هغه کي زمونږ یو ستر سرتېری او ۱۱ تنه نور ووژل سول.”
دغه برید چي د تیري
پنجشنبې په ورځ
په کابل کي د عبدالحق څلور لاري ته نژدې وسو، د یو
امریکایي سرتیري تر څنګ د ناټو ځواکونو یو رومانیایي سرتیري او لس ملکي افغانان ووژل سول
او ۴۲ تنه ټپیان سول.
ټرمپ وویل چي له دې برید وروسته هغه سمدستي د لوړپوړو طالبانو سره لیدنه فسخه کړه او
د امریکا د متحده ایالاتو او طالبانو ترمنځ د سولي مذاکرات يې لغوه
کړل.
جمهور رئیس ټرمپ همداشان د یوې پوښتني په بڼه لیکلي دي:
“څه ډول کسان بې شمېره خلک په ظاهره د خپلو چانه وهلو د موقف د قوي کولو لپاره
وژني؟”
ټرمپ وویل، چي طالبانو په کابل کي په وروستي برید سره د خپلو چانه وهلو موقف غښتلی
نه بلکي “خراب” کړ.
ټرمپ زیاته کړه چي طالبان نه سي کولای د سولي “دغو ډیرو مهمو” مذاکراتو کي پر
اوربند توافق وکړي او حتا ۱۲ بېګناه کسان وژني، نو د هغه په وینا هغوی یو “معنی داره”
موافقت لیک ته د رسېدو قدرت هم نه لري.
د افغانستان حکومت ویلي، چي په دې اړه به وروسته خپل دریځ روښانه کړي.
طالبانو لا تر دا مهاله په دې اړه څه نه دي ویلي.
=============