هيواد راډيو تلوېزيون هيواد راډيو تلوېزيون
راپور: اجمل وصال
د روزګان اوسیدونکي وایي، حکومت دي د وروستیو وژنو طرحه کوونکي او قاتلین ونیسي او د قانون منګلو ته دې وسپارل سي.
داروزګان ولایتي مسوولینو او عامو اوسیدونکو دغه څرګندوني په مرکز ترینکوټ جامع جومات کي د ولسي جرګي د پخواني غړي عبیدالله باکرزي د فاتحي د مراسیمو پرمهال وکړې.
په ولسي جرګي د روزګان د خلکو استازی عبیدالله بارکزی چې دوه ورځي په کندهار کې د یوه وسله وال برید پرمهال خپل ژوند دلاسه ورکړ،نن یې فاتحه د اروزګان ولایت مقام جامع جومات کې واخیستل سوه،چې کڼو کسان پکښي برخا اخیستی وه.
د هغه په ویر راټولو سوو اروزګاني اوسیدونکي له دولت په کلکه وغوښتل چي ژر تر ژره دي د بارکزي قاتلین او دیادي پیښي طرحه کوونکي کسان وپیژني او د قانون منګلو ته دي وسپارل سي.
د روزګان والي اسدالله سعید ،عبیدالله بارکزی د هیواد یو له هغو شهیدانو له ډلي یاد کړ،چي د وطن مینه یې په زړه کي او تل به یې د سولي لپاره ږغ پورته کاوه.
هغه وویل، بارکزی د سولي قرباني سو او په هیواد کي د تل پاتي سولي راتګ هیلي یې مړاوي سوې.
د روزګان والي وایې، بارکزی نه یوازي د ولایت اویاهم د سویل په کچه یو پيژندل سوی څیره وه،بلکي د هیواد په سطحه د یوشخصیت په توګه خلکو پيژانده.
د فاتحي دغو مراسمو کي ګډونوالو هم پر مرکزي حکومت سختي نیوکي کولي ، چي د زنځیري وژنو په مخنیوي کي پاته راغلي.
غوښتني دادي چي نوردي د وژنو دالړۍ ودرول سي او د تل پاتي سولي راتګ ته دي کار وسي.