هيواد راډيو تلوېزيون هيواد راډيو تلوېزيون
پر تل ابیب له یو راکټي برید وروسته د اسرائیل جنگي الوتکو د غزې په تړانگه کي د حماس ډلي شاوخوا ١٠٠ مرکزونه بمبار کړي دي.
د اسرائیل پوځ ویلي دي چي د غزې په تړانگه کي یې په یو شمېر مرکزونو بریدونه کړي دي، چي له هغه ځایه د حماس ډلي فعالیتونه رهبري کېدل.
د اسوشېتېد پرس اژانس په غزه کي د روغتیایي کار کوونکو له قوله ویلي، چي ددغو بریدونو په پایله کي په جنوبي ښار رافه کي د یوې ښځي او خاوند په گډون یې څلور تنه ټپیان سوي دي. اسرائیلي رسنیو د هغه هیواد د دفاعي چارواکو له قوله ویلي، چي د لومړنیو پلټنو له مخي پر تل ابیب باندي راکټي بریدونه په سهوه کي سوي دي. اسرائیلي پوځیانو تر اوسه ددې راپور په اړه څه نه دي ویلي.