هيواد راډيو تلوېزيون هيواد راډيو تلوېزيون
په کابل کي د چين سفير وايي، هېواد يې د افغانستان په چارو کي د نورو هیوادونو د لاس وهنو سخت مخالف دى او چين د افغانستان له ټولو ملي پروسو کلک ملاتړ کوي.
د چين سفير لو جين سونګ دغه څرګندوني نن په کابل کي د دغه هیواد د اصلاحاتو او ورخلاصون د ٤٠ مي کليزي په مناسبت يوې ناستي ته وکړې.
دغه ناسته چي د چين په سفارت کي جوړه سوې وه.
لو جين سونګ ویلي چي هېواد يې له افغانستان سره په بیلابیلو برخو کي هر ډول مرستو او همکاريو ته چمتو دى.
نوموړي د افغانانو په مشرۍ او مالکيت د سولي پروسې يادونه هم وکړه او ويې ويل، چين تل په دې برخه کي د افغان حکومت ملاتړ کړى دی.
هغه دغه راز زیاته کړه چي راتلونکى کال د افغانستان او چين د دوستۍ او ملګرتيا ټولنه په رسمي توګه پرانيستل کیږي.
سفير وويل، افغانستان او چين نه يواځي ګډ تاريخ لري، بلکي ګډ ارزښتونه هم لري چي بايد وپالل سي.