هيواد راډيو تلوېزيون هيواد راډيو تلوېزيون
راپور: نقیب صدیقي
دا سیالۍ چي تیره پنج شبنه د کندهار په باغ عمومي کي ترسره سوې، ۲۶ لوبغاړو پکښي ګډون درلود.
د کندهار د ورزشي امریت مسٔولین وایي، چي دلته هر کال د مسټر کندهار د ټاکني لپاره سیالۍ ترسره کیږي، خو سږ کال تر نورو کلونو زیات ځوانان تشویق سوي او ګډون يې کړی.
په کندهار کي د ۱۳۹۷ کال د بدني ښکلا مسټر کندهار د ټاکلو سیالۍ ترسره سوې چي په پایله کي یې دوه تنه وټاکل سوه.
په دې سیالیو کي د کندهار ښار او سپین بولدک ولسوالۍ د مختلیفو کلبونو څخه ۲۶ لوبغاړو ګډون کړي وو چي، په سینیر یا الف لوبغاړو کي نذیر احمد مسټر کندهار معرفی سو او په جینیر یا ب لوبغاړو کي بیا عصمت الله د مسټر کندهار لقب خپل کړ.
دغه لوبغاړي وايي، خوښ دي چي په دغه سیالو کي دوی ټاکل سوي او دغه مقامونه یې خپل کړي دي.
د کندهار ورزشي امر مقتدا اغا وایي، چي په کندهار کي د بدني ښکلا تر ډیره پوري مینوال لري او لوبغاړي یې په کمو امکاناتو ډیر کار کوي، نوموړي وایي، چي هر فرد باید خپل صحت ته د پاملرني په
بلخوا د کندهار تکړه استاد ګلالی وایي، چي سږ کال د نورو کلونو په پرتله ډیر شمیر ځوانانو امادګي نیولې وه او په خاص ډول د ب ګروپ لوبغاړو زیاته هڅه کړې وه، چي دا هڅي یې د ستایلو وړ دي.
نوموړي له لوبغاړو وغوشتل چي خپل تمریناتو ته دي دوام ورکړي تر څو د هیواد په سطحه لوبو ته لار پیدا کړي.
په کندهار کي زیات شمېر ځوانانو اوس مهال د بدني ښکلا ورزش ته مخه کړې چي دا کار نه یوازي ځوانان له نشو ساتلي بلکي په ډيرو سیالیو کي یې ښه مقامونه هم ګټلي دي.