هيواد راډيو تلوېزيون هيواد راډيو تلوېزيون
راپور: غلام فاروق رسولي
هرات ولایت د دوو ورځو راهسي د بې ساري اورښتونو شاهد دی.
دا ورښتونو ته د یوه خوا که خلک خوشحاله دي خو د بلي خوا یې ډيری کسانو ته مالي او ځاني زیانونه هم اړولي دي.
دا د هرات ولایت د شیدايي پنډغالی سیمه ده، چېري چي ډېری شمېر بې ځایه سوي کورنۍ د یادو اورښتونو له کبله زیانمن سوي دي.
دا کسان وایي اورښتونو او سیلابونو یې خیمی ړنګي کړي او د مالي تاونونو ترڅنګ یې ځاني تاونونه هم ور اړولي دي.
یوازي د شیدایي پنډغالي بې ځایه سوي نه دي چي د دې اورښتونو څخه زیانمن سوي بلکي ډيری نور کسان هم په هرات ولایت کي د دې اورښتنو څخه تاوني سوي.
دا زیانمن سوي کسان د اړونده چارواکو څخه غوښتنه کوي چي د دوی سره ژر تر ژره مرستي تر شره کړي او که دا کار ونه سي نو ډیر ځاني تاوانونه به ور واوړي.
په ورته وخت کي د هرات ولایت د سیمه ایزي ادارې چارواکي وايي، دوی د ټولو هغه کسانو او کورنیو لپاره د بيړنیو مرستو رسولو پلان چمتو او تر کار لاندي نیولی، کوم چي د دې اورښتونو څخه زیانمن سوي دي.
د یادوني وړ ده چي د هرات ولایت د حوزوي روغتون د چارواکو په خبره د تیرو دوو ورځو ورښتونو او سیلابونه په هرات ولایت کي د دوو کسانو ژوند اخیستی او ډیر شمیر نور یې ژوبل کړي دي.
دوی همداشان یادونه کوي چي دا لمړني ارقام دي او کیدای سي زیات سي.