هيواد راډيو تلوېزيون هيواد راډيو تلوېزيون
خبريال: سيد حميد (هاشمي)
په لاسي خامک د قران الکريم ليکونکې زمرد افغان وايي، چي خپل دين ته د خدمت کولو او د خويندو ديني برخي ته د خدمت کولو او متوجه کولو په موخه غواړو، ځيني حديثونه او ياسينونه له پښتو ژباړي سره پر ځانګړو ټوکرانو وليکي.
دا د هغي باهمته او عزم لرونکي زمرد افغان په لاس، په اوو کالو او شپږو مياشتو کي ليکل سوی قران الکريم دی، چي په ډير هنر او کمال سره يې پر کاټن ټوکر ليکلی او جوړ کړی دی. زمرد افغان وايي، قوي عزم او اراده او همدارنګه د کورنۍ تشويق او همکاري کولای سي د دې سبب سي، چي يو کس دې ته زړه ښه کړي چي په هره اندازه سخت کار کولو ته ملا وتړي او تر سره يې کړي.
په لاسي خامک د قران الکريم ليکونکې زمرد افغان وايي، چي خپل دين ته د خدمت کولو او د خويندو ديني برخي ته د خدمت کولو او متوجه کولو په موخه غواړي، ځيني حديثونه او ياسنونه له پښتو ژباړي سره پر ځانګړو ټوکرانو وليکي. زمرد وايي، د ياد قران الکريم نور کار يې بشپړ کړی دی، يوازي يې د جلد او پوښ کولو کار پاته دی، چه تر اوسه يې شپږ سپارې جلد کړي او نوري پاته دي، چي په خبره يې پر آخري سپاره د افغانستان تاريخ هم ليکي.
د زمرد افغان په خبره د قران الکريم د ليکلو مخکي يې په پلان کي درلوده، چي په لاسي خامک باندي ليکل سوی قران الکريم سعودي عربستان ته وسپاري، چي د افغان تخلص انتخابولو او ليکلو علت يې همدا ؤ، ترڅو هلته د افغانستان په نوم باندي وساتل سي، خو اوس يې د کورنۍ په خبره او مشوره د افغانستان موزيم ته سپاري.
د زمرد افغان ورور وايي، که څه هم زمرد غوښتل چي ياد ليکل سوی قران الکريم سعودي عربستان ته وسپاري، خو دوی دې ته تشويق کړه، چي د افغانستان موزيم ته يې وسپاري. په کندهار کي دا لمړی ځل دی، چي د يوې افغاني انجلي لخوا په لاسي خامک قران الکريم ليکل کيږي، چي په دې سره به ډېري خويندي او انجوني د لاسي خامک په برخه کي داسي او دې ته ورته نورو کارونو ته مخه کړي.