هيواد راډيو تلوېزيون هيواد راډيو تلوېزيون
ولایتي چارواکي وايي، په مومنددرې ولسوالۍ کي وسله والو يو تاريخي ښوونځۍ ته اور اچولی دی.
د معلوماتو له مخي د یاد ښوونځۍ تحويل خانه سوځیدلې او پکښي موجود کتابونه او نور مواد له منځه تللي دي.
د ننګرهار د پوهني رياست مطبوعاتي مسؤل اصف شينواري وويل، تیره شپه شاوخوا اته بجې څلور وسله والو د مومند درې ولسوالۍ اړوند د ايمل خان تاريخي لیسې ته اور ورته کړی دی.
د شينواري د معلوماتو له مخې، د ښوونځۍ په تحويل خانه کي موجود کتابونه، د لیسې اړوند ځيني مهم توکي او يو شمیر نور مواد بشپړ سوځېدلي دي.
په ورته وخت کي د ننګرهار د والي وياند عطاءالله خوږياڼي هم ياده پېښه تاييد کړه او په اړه يې د پلټنو د پيل خبر ورکړ.