هيواد راډيو تلوېزيون هيواد راډيو تلوېزيون
د لوګر په مرکز او دوه ولسواليو کي امنيتي ځواکونو د يو شمیر مهمو او ستراتیژيکو سيمو پوستې له جګړې پرته پرېيښي چي له امله يې خلک اندېښمن دي.
خو بل لورته چارواکي بيا وايي، چي دغه پوستې د افغان ځواکونو او عامو خلکو د تلفاتو د مخنيوي په موخه پرېښودل سوي دي.
دغه پوستې په مرکز، بره کي برک او محمد اغې ولسوالۍ کي وې او اووه کاله وړاندي جوړي سوي وي.
د لوګر د والي وياند شمشاد لاروي وويل، چي له ځينو سيمو څخه امنيتي پوستې پرته له فشار او جګړې څخه ايستل سوي دي.
د هغه په وينا، د ولايت په امنيتي غونډه کي پرېکړه وسوه چي د عامو خلکو د مرګ ژوبلي د مخنيوي په موخه دې له دغو سيمو څخه پوستي لرې کړاى سي.
بل لورته طالبانو هم د یادي موضوع پخلی کړی دی.
د دې ډلي وياند ذبيح الله مجاهد ويلي، چي، حکومت نه سو کولای، خپلي امنیتي پوستې وساتي او ورته اکمالات وکړي، نو ځکه ورنه طالبانو نیولي دي.