هيواد راډيو تلوېزيون هيواد راډيو تلوېزيون
وسله والو طالبانو دا خبره رد کړې چي ګواکي دوى په افغانستان کي د موقت حکومت پر جوړولو هوکړه کړې ده.
پرون ځينو عربي رسنيو خبر ورکړى وو، چي په قطر کي د نهم پړاو خبرو پر مهال دواړو لورو د ١٤ مياشتو له پاره د موقت حکومت پر جوړولو موافقه کړې ده.
د دغه خبر له خپرېدو څو ساعته وروسته په قطر کي د طالبانو د سياسي دفتر وياند سهيل شاهين په ټويټر کي دا خبر رد کړه.
هغه زياته کړه، کوم خبر چي د موقت حکومت د هوکړي په هکله په رسنیو کي خپرېږي، حقيقت نه لري.
دغه راز د افغان سولي له پاره د امريکا ځانګړي استازي زلمي خليلزاد هم په ټويټر کي ليکلي، چي دوی د انتقالي حکومت په اړه هيڅ بحث نه دئ کړی او د حکومتولۍ په اړه بحث په افغانانو پوري اړه لري.
د امريکا او طالبانو ترمنځ نهم پړاو خبري اتري په دوحه کي رواني دي او ويل کېږي، چي يو شمېر نور پرمختګونه هم پکښي سوي دي.
اټکل کېږي چي د رواني اوونۍ په اوږدو کي د دواړو لورو ترمنځ هوکړه اعلان سي.