هيواد راډيو تلوېزيون هيواد راډيو تلوېزيون
د افغانستان د انتخاباتو خپلواک کميسون ویلي، په ځينو سیمو کي چي امنیتي وضعیت ډېر بد دئ، انتخاباتي مرکزونه به تړلي پاته سي.
پروسږ کال غزنی په بشپړ ډول د ولسي جرګي له ټاکنو پاته سو، خو د ټاکنو د خپلواک کمېسيون ویاند وویل چي دا وار به هيڅ ولایت بشپړ له انتخاباتو نه پاته کيږي.
د کمېسيون ویاند وايي، هغه ولایتونه چي امنیتي وضعیت یې ښه نه دئ، لکه کندز، تخار، روزګان، نیمروز او فراه کي به ځیني مرکزونه تړلي پاته سي.
دی ټینګار کوي چي د مناسبو انتخاباتو کولو ته تیار دي او غواړي داسي کار وکړي چي پر دې ډموکراتیکه پروسه د ولس باور ټینګ کړي.
د افغانستان د ټاکنو خپلواک کمېسيون ۵۳۷۳ انتخاباتي مرکزونه تثبیت کړي دي.
خو د کمېسيون ویاند د کورنیو چارو وزارت په حواله وویل، چي لږ تر لږه ۴۳۱ مرکزونه ښايي تړلي پاته سي، په دې ډول به په ۴۹۴۲ مرکزونو کي ټاکني وي.