هيواد راډيو تلوېزيون هيواد راډيو تلوېزيون
د افغان سولې لپاره د امریکا ځانګړي استازي د عمران خان پر وروستیو څرګندونو غبرګون ښودلی دی.
زلمي خلیلزاد په یوه ټوېټ کي ویلي، چي په افغانستان کي د موقت حکومت د جوړېدو په اړه د عمران خان څرګندونې بې ګټي دي او کوم مثبت بدلون نه سي راوستلای.
دده په خبره د سولي په برخه کي د پاکستان همکارۍ رغنده ده، خو د موقت حکومت په اړه یې څرګندوني رغنده نه دي.
د پاکستان لومړي وزیر عمران خان ویلي وو، چي په افغانستان کي د سولي د راتګ لپاره باید بې طرفه موقت حکومت جوړ سي چي دې مسئلي د افغان حکومت سخت غبرګون له ځان سره لرلی دی.
افغان حکومت ددې مسئلي په غبرګون کي له پاکستان خپل سفیر را بللی دی او په کابل کي یې د پاکستان د سفارت مرستیال سفیر احضار کړی دی.
بهرنیو چارو وزارت وایي، چي په دې اړه به لا ډېرې سلا مشورې کوي.