هيواد راډيو تلوېزيون هيواد راډيو تلوېزيون
د بلوچستان ایالت د کویټې په یوه مسجد کي د چاودني له امله د طالبانو د مشر ملا هبت الله د ورور قاري احمد الله په ګډون ۵ تنه وژل سوي او تر ۲۰ زیات ټپیان سوي دي.
دا چاودنه پرون د جمعې د لمانځه پر مهال د کویټې ښار په ۲۵ کیلو مترۍ کي د کچلاک په سیمه کي سوې ده.
د کویټې د پولیسو مشر رسنیو ته ویلي، چي په دې چاودنه کي ۴ تنه وژل سوي او تر ۲۰ زیات ټپیان دي.
بل خوا راپورونه وايي، چي د دې چاودني په وژل سوو کسانو کي د طالبانو د مشر ملا هبت الله ورور قاری احمد الله هم شامل دئ.
سرچینې زیاته کړې، چي هغه د دې مسجد خطیب وو، تر دې دمخه د دې مسجد خطیب او ورسره د اړونده مدرسې مشر پخپله ملا هبت الله وو.
وسله والو طالبانو تر اوسه په دې اړه څه نه دي ویلي.