د چين-افغانستان پر سوداګريزه رېل کرښه تر دې مه هيڅ صادرات نه دي سوي

له چين څخه افغانستان ته پر غځېدلې سوداګريزه رېل کرښه تر دې دمه هېڅ صادرات نه دي سوي، يواځي درې ځله واردات سوي دي.

د يادي رېل کرښي له جوړېدو کابو ۱۳ مياشتي تېري سوي، خو افغان سوداګر وايي، چي له ازبکستان سره ترانزيټي مشکلات، له چين سره د قرارداد ګونګوالي او د سوداګريز باور نه شتون هغه خنډونه دي، چي له دې لاري يې د افغاني توکو د صادراتو مخه نيولې ده. ددې کرښي د پرانيستني پر مهال افغان او چينايي چارواکو ويلي وو، چي له دې لاري به د سوداګريز صادراتو او وارداتو له امله د سيمي په کچه سوداګري وده وکړي.

افغان سوداګر هم وايي، چي له چين څخه د رېل کرښي له لاري د سوداګريزو توکو لېږد نظر نورو ټولو لارو ته اقتصادي لار ده. افغان سوداګر وايي، چي له چين څخه پر غځېدلې رېل کرښه د وارداتو او صادراتو ځنډ يې سوداګري کمزوري کړې ده.