هيواد راډيو تلوېزيون هيواد راډيو تلوېزيون
خبرپاڼه زیاتوي چي په دغه بندر کي پر ټولو ستونزو، پرمختګونو، خنډونو او راتلونکو هیلو باندې بحث سوی دی او ستونزو ته د حللارو پیدا کولو هڅه سوې ده.
په دغه غونډه کي پرېکړه سوې چي د ټولو ستونزو د ارزولو، پیدا کولو او حللارو لټولو لپاره دي د درو هیوادونو یوه کمیته وټاکل سي.
دغه کمیټه به په راتلونکو دوو میاشتو کي خپله لومړنۍ غونډه په چابهار بندر کي کوي او د ترانزیت، ګمرکاتو، لوجستیک او نورو مواردو د اسانولو لپاره به خپل نظریات سره شریکوي.
د هند استازي په دغه غونډه کي ویلي، چي د چابهار بندر په اړه راتلونکي درې اړخیزه غونډه به د ۲۰۱۹ کال په لومړۍ نیمايي کي په هند کي جوړېږي.
چابهار بندر په ایران کي د هند په مرسته د افغانستان لپاره رغول سوی بندر دی، چي په مرسته به یې هند له افغانستان او منځنۍ اسیا او همدا راز افغانستان له هند او نورو هېوادونو سره ونښلول سي.