هيواد راډيو تلوېزيون هيواد راډيو تلوېزيون
د هلمند امنیه قوماندان وايي، تردې وړاندي یې نوموړي نوماند ټاکنیز دفتر ته خبر ورکړي و چي د خپل دفتر امنیت خوندي کړي.
امنیه قوماندان وايي ځان وژونکي د نوماند دفتر ته تر چاودني یو ساعت مخکي داخل سوی و خو د ټاکنیز دفتر په دروازه کي د تلاشي د نشتون له امله نوموړي په ځان پوري چاودیدونکي توکي د نوماند تر اطاق پوري انتقال کړي و.
د ولسي جرګې نوماند صالح محمدخان اڅګزي لوموړی ټپی و چي ترچاودني یوساعت وروسته يې په روغتون کې ساه ورکړه.
په لښکرګاه کي ایمرجنسي روغتون د مالوماتو پر اساس تر چاودني وروسته ۸ جسدونه او ۱۲ ټپیان ور وړل سوي دي چي د ځینو ټپیانو روغتیايي حالت نازک دي.
تردې څلور ورځي وړاندي د هلمند څخه د ولسي جرګي پر یو بل نوماند حاجي دوست محمد خدمتګار د ماین چاودنه سوې وه چي د نوموړي د یوه ساتوونکي وژل سوی و او خپله د نوماند په شمول دري تنه ټپیان سوي و.